Mashhurlar ham ba’zida o‘zini boshqa kasb vakili sifatida sinab ko‘radi. Kimdir bu ishni martaba, kimlardir shunchaki o‘yin-kulgi uchun qiladi. Mashhurlar orasida turli xil kafelar, snekbarlar, qahvaxonalar va boshqa ovqatlanish joylarida ishlab ko‘rganlari ham bor. Quyida shu haqda ma’lumot beriladi.
Ed Shiran
Qovoq va ziravorlar qo‘shib tayyorlanagan latteni sevib iste’mol qiluvchi Ed Shiran yaqinda Sietlga bordi va ichimlikning 20 yilligini nishonlash uchun Starbucks’da yarim smenada ishladi. U qahva yubileyida yana bir muhim voqea — Autumn Variations albomining yaqinlashib kelayotgan premyerasini o‘tkazdi. Shiran tarqatgan har bir stakanda muxlislar “Kuz kelmoqda” degan yozuvni va albomni oldindan buyurtma qilish sahifasiga olib boradigan QR-kodini ko‘rishlari mumkin edi.
Qahvaxona xodimlari va u yerga tashrif buyurgan insonlar xonandaning xizmat ko‘rsatganidan xursand bo‘lgan.
Bundan bir necha hafta oldin Shiran The Wieners Circle’da hot-dog sotgan.
Ariana Grande
Shirandan farqli o‘laroq, Grande 3 yil davomida yangi albom chiqarmadi. Uning hayoti faqatgina musiqa bilan bog‘liq emas, aktrisa filmlarda suratga tushadi, shaxsiy hayotidagi qiyinchiliklarni yengib o‘tadi yoki biznes bilan shug‘ullanadi. So‘nggi paytlarda xonanda o‘zining kosmetika brendini targ‘ib qilishga e’tibor qaratdi. Yangi kolleksiyaning chiqarilishi munosabati bilan Ariana Sweetener Shoppe muzqaymoq kafesining ochilishiga vaqt ajratdi, xonanda tashrif buyuruvchilarga buyurtmalarni shaxsan yetkazib bergan.
Muzqaymoq kafesi Nyu-Yorkda ochilgan. Xonanda barchaga qo‘llab-quvvatlaganliklari uchun minnatdorchilik bildirib, tez orada muxlislarini hayratda qoldirishga va’da bergan.
Lana Del Rey
Ba’zi muxlislar uning tug‘ilgan kunidan ko‘ra ko‘proq sahnaga qaytishini kutishgan. Xonanda 3 yildan ortiq vaqt davomida hech qanday chiqish qilmadi, biroq shu yilning may oyi oxirida Lana Braziliyadagi festivalda ishtirok etdi. Del Rey u yerda o‘zining eng mashhur taronalarini kuyladi va o‘zini Merilin Monro qiyofasida sinab ko‘rdi. Oradan ikki oy o‘tgach, u Alabamadagi kafega ofitsiant bo‘lib ishga kirdi.
Xonanda faqat bir kun: formalar, buyurtmalar, stollarni tozalash, qahva tayyorlash, mijozlar bilan muloqot qilish imkoniyatiga ega bo‘lgan. U yerga tashrif buyurgan ko‘plab insonlar xonanda bilan suratga tushishga muvaffaq bo‘lgan.
“Bu syurreal edi. Men uning musiqasini va u qilayotgan hamma narsani qanchalik yoqtirishimni aytdim. U juda yoqimtoy va o‘zgacha edi”, — deydi xonandaning muxlisi.
Jennifer Lopes va Ben Afflek
2023-yilning yanvar oyiga kelib, juftlik barcha to‘y ta’tillari va asal oyini yakunladi, ammo oilaviy hayotni yana shirin qilish yo‘lini topishdi. Jennifer va Ben Dunkin’ Donuts qahvaxonalari reklamasiga taklif qilindi. Ben bu taklifga rozi bo‘ldi, sababi u ushbu qahvaxonaning muxlisi edi va Jennifer turmush o‘rtog‘ini bu borada qo‘llab-quvvatladi. Video yaxshi chiqishi uchun juftlik qahvaxonada ishlashi kerak edi.
“Men reklama roligini yaratishda faol ishtirok etdim, chunki o‘zim ssenariy yozganman, rejissor va bosh rol ijrochisi bo‘lganman” — deydi aktyor.
Eminem
Reper ikki yil avval Detroytda yemakxona ochgan edi. U bu nom haqida uzoq o‘ylamadi va kirish joyiga Mom’s Spagetti yozuvini osib qo‘ydi. Muassasa ochilishiga 7 soat qolganida insonlar navbatga turishni boshladi. Xonandaning o‘nta muxlisi kumiri bilan uchrashish imkoniyatiga ega bo‘ldi, Eminemning o‘zi ularga buyurtmalarini taqdim etdi.
Menyuda atigi uchta: “Onamning spagettisi”, “Onamning frikadelkali spagettisi” va “Spagetti-sendvich” nomli taomlar bor edi.
Geyten Mataratso
“Ajabtovur ishlar” loyihasi yulduzi bir smenadan ortiq ofitsiant bo‘lib ishlagan. 2020-yilda 17 yoshli Mataratso pandemiya davrida ishsiz qolib, Nyu-Jersi shtatidagi Long-Bich orolidagi kafega ishga joylashdi. U mashhur serialning uch faslida suratga tushganidan keyin pulga deyarli muhtoj emas edi. Yaxshiyamki, karantin bekor qilindi, suratga olish ishlari davom ettirildi, Geyten biznesga qaytdi.
Izoh (0)