NASA roveriga o‘rnatilgan uskuna Marsda kislorod ishlab chiqarish bo‘yicha dunyodagi birinchi tajribani yakunladi. Toster o‘lchamidagi qurilma bir astronavtning bir necha soat ishlashi uchun yetarli miqdorda kislorod ishlab chiqardi.
Qizil sayyoraga 2021-yilning fevralida qo‘ngan Perseverance rover ikki yildan ortiq vaqt davomida atmosferada karbonat angidridni yoqib, oz miqdorda kislorod ishlab chiqardi.
Mikroto‘lqinli pechdan katta bo‘lmagan qurilma yordamida 122 gramm kislorod ishlab chiqarishga muvaffaq bo‘lindi, u astronavtga uch soatga yetadi.
Taxminan 5 gramm kislorod bir astronavtni 10 daqiqa nafas bilan ta’minlash uchun yetarli bo‘lib, bu Marsda kislorod ishlab chiqarilishi kattaroq miqyosda odamlarni qo‘llab-quvvatlashi mumkin, degan umidni kuchaytirmoqda.
NASA ma’muriyati rahbari Pem Melroyning so‘zlariga ko‘ra, 2021-yil aprel oyida birinchi urinishidan buyon MOXIE deb nomlangan qurilma 16 ta alohida holatda kislorod ishlab chiqargan, bu kosmik agentlikning dastlabki rejalaridan ancha ko‘p.
“MOXIE ning ta’sirli natijalari shuni ko‘rsatadiki, Mars atmosferasidan kislorod olish mumkin — kislorod bo‘lajak astronavtlarni nafas olish uchun havo yoki raketa yonilg‘isi bilan ta’minlashga yordam beradi. Oy va Mars resurslaridan foydalanish uchun texnologiyalarni ishlab chiqish Oyda uzoq muddat qolishni ta’minlash, mustahkam Oy iqtisodiyotini yaratish va Marsdagi dastlabki tadqiqot kampaniyasini qo‘llab-quvvatlash uchun nihoyatda muhim”, — dedi u.
MOXIE eng ko‘pi bilan soatiga 12 gramm kislorod yaratdi, bu NASA ning maqsadidan ikki baravar ko‘p va kamida 98 foiz toza. Avgust oyida o‘zining so‘nggi ishi davomida asbob 9,8 gramm kislorod ishlab chiqargan.
Perseverance roverining asosiy vazifasi qadimiy mikrobial hayot belgilarini izlashdan iborat bo‘lsa, MOXIE esa insonning kelajakdagi izlanishlari uchun sharoitlarni o‘rganishga qaratilgan.
Izoh (0)