Krivoy Rogda politsiya maʼmuriy binosiga rus raketasi kelib tushdi, dedi Ukraina Ichki ishlar vazirligi rahbari Igor Klimenko. Ukraina bosh prokuraturasi 26 kishi yaralangani va bir kishi halok bo‘lganini ma’lum qildi.
Krivoy Rog joylashgan Dnepropetrovsk viloyati rahbari Sergey Lisak raketa urilganidan keyin yong‘in boshlangani, olov maydoni 200 kvadrat metrga yaqin bo‘lganini aytdi. Keyinroq Lisak hujumda jabrlanganlar soni 32 kishiga yetganini ma’lum qildi.
Bino vayronalari ostida qolgan uch kishi og‘ir ahvolda kasalxonaga yotqizildi, deb qo‘shimcha qildi u.
.jpg)
Dnepropetrovsk viloyati rahbarining so‘zlariga ko‘ra, politsiya binosi yonida joylashgan turar joy binolari ham raketa hujumidan jabr ko‘rgan. Zarar darajasini aniqlash uchun uyma-uy tekshiruv o‘tkazilmoqda.
Rossiya armiyasi Krivoy Rog — Vladimir Zelenskiyning ona shahriga muntazam ravishda raketa hujumlarini uyushtirib kelmoqda.
8-sentabrga o‘tar kechasi Rossiya qo‘shinlari Odessa viloyatiga Shahed dronlaridan hujum qilgan edi. Bu bir hafta ichida Odessaga beshinchi hujum bo‘ldi. Tunda Sumi va Zaporojye viloyatlari ham raketa hujumlariga uchradi.
Izoh (0)