Toshkentdagi AQSH elchixonasi Green Card g‘oliblariga ogohlantirish bilan chiqdi.
Unda dunyo bo‘ylab Green Card dasturi uchun belgilangan yillik 55 mingta viza soni yaqin kunlarda yakuniga yetishi mumkinligi ma’lum qilingan. Belgilangan limit tugasa, barcha AQSH elchixonalari DV dasturi bo‘yicha vizalarni boshqa taqdim eta olmaydi.
Toshkentda sentabr oyida bo‘lajak viza suhbati kuni belgilangan murojaatchilar viza ololmasliklari mumkin.
“Viza uchun talab etilgan hujjatlari mavjud emasligidan xabardor murojaatchilar viza suhbatiga kelishdan (va qaytarib berilmaydigan viza to‘lovini amalga oshirishdan) avval o‘ylab ko‘rishlarini so‘raymiz. Chunki viza bo‘yicha murojaatni ko‘rib chiqib, uni yakunlash uchun yetarlicha vaqt qolmasligi mumkin”, — deyiladi elchixona xabarda.
Qayd etilishicha, elchixona dunyo bo‘ylab belgilangan viza sonlari cheklovi qamrab olingunga qadar DV vizalarini taqdim etishni davom ettiradi. Bugungi kunga kelib 3100 dan ortiq murojaatchilar bilan suhbat olib borilgan.
2024-yilgi Green Card natijalari 2023-yil may oyida eʼlon qilingandi. Avgust oyining o‘rtalarida Toshkentdagi AQSH elchixonasi viza suhbati vaqtida soxta hujjatlarni taqdim etish, viza uchun bir umrlik cheklov olishga sabab bo‘lishi mumkinligi haqida ogohlantirgan.
Izoh (0)