Samarqand shahrida 7—8-sentabr kunlari bo‘lib o‘tadigan Oziq-ovqat xavfsizligiga bag‘ishlangan xalqaro konferensiyaga tashrif buyurgan Italiya qishloq xo‘jaligi vaziri Franchesko Lollobriji ikki mamlakat o‘rasidagi aloqalar xususida o‘z fikrlarini bildirdi.
“Italiya tez rivojlanayotgan davlatar sirasiga kiruvchi O‘zbekistonga yordam berishdan mamnun. Biz Markaziy Osiyoda qulay geografik joylashuvga ega O‘zbekistonni juda muhim sherik deb hisoblaymiz.
Bir necha oy avval mamlakatlar o‘rtasida bo‘lib o‘tgan uchrashuvda qishloq xo‘jaligi, chorva mollari va ilmiy yo‘nalishda aloqalarimizni yana ham mustahkamlash borasida kelishuvlarga erishdik.
O‘zbekistonning boy tarixi, chuqur madaniyati va o‘ziga xos urf-odatlari bor. Mazkur jihatlar kelajakada ikki mamlakat o‘rtasida aloqalarni yanada kuchaytirishda asos bo‘ladi, degan umiddamiz”, — dedi Franchesko Lollobriji.
Maʼlumot uchun, xalqaro konferensiyada ishtirok etish uchun dunyoning 32 ta mamlakatidan 2 ming 330 nafar xorijiy ekspert anjuman doirasida global o‘zgarishlar borasidagi o‘z fikr-mulohazalari bilan o‘rtoqlashadi.
Konferensiyadan qishloq xo‘jaligi ekinlarini yetishtirish va qayta ishlash dasturlarini ishlab chiqish, to‘g‘ridan to‘g‘ri o‘zaro yetkazib berishning kelishilgan sxemalarini shakllantirish, oziq-ovqat xavfsizligini ta’minlash masalasining barcha sohalari o‘rin olgan.
Izoh (0)