Salmon Xon Hindiston kino sanoatining dunyoga mashhur aktyorlaridan biri. Bollivud yulduzi ishtirokidagi har bir film xit darajasiga chiqadi. Salmon Xon juda ko‘p filmlarda rol o‘ynagani uchun uzoq yillik faoliyati davomida ko‘plab aktrisalar bilan ishlash imkoniga ega bo‘ldi. Biroq ularning orasida Salmon Xon bilan bir filmda suratga tushishdan bosh tortganlari ham bor. Quyida shu kabi aktrisalar haqida ma’lumot beriladi.
Sonali Bendre
Bollivudning eng go‘zal aktrisalaridan biri Sonali 1990-yillarda diqqat markazida edi. Muxlislar Sonali va Salmonning birga ishlayotganiga guvoh bo‘lishdi, biroq aktyorning ismi Blekbak ishida (brakonerlik ishi) tilga olingach, aktrisa undan uzoqlashdi va kelishmovchiliklar tufayli birga ishlashdan bosh tortdi.
Ayshvariya Ray
O‘z vaqtida Ayshvariya va Salmon Bollivuddagi eng mashhur, chiroyli juftlik hisoblangan. “Qalbim senikidir, jonim” filmidan keyin ular ajrashishdi. Shundan so‘ng, Ayshvarya Salmon bilan boshqa hech qachon ishlamaslikka qaror qildi.
Dipika Padukone
Dipika Bollivudning eng yaxshi aktrisalaridan biri. U “Muhabbat tilsimi”, “Padmavati”, “Bajirao Mastani” va “Chinnay Ekspress” kabi mashhur filmlarda suratga tushgan. Aktrisa bir emas, 5 marta Salmon Xon bilan birga ishlash taklifini rad etgan. Aktrisaning ma’lum qilishicha, Salmon uning turmush o‘rtog‘i va Bollivud aktyori Ranvir Singhga nisbatan hurmatsizlik qilgan. Shundan keyin Dipika umuman Salmon bilan ishlashga rozi bo‘lmagan.
Dipshika Nagpal
“Karan va Arjun” filmidagi Bindiya rolini birinchi bo‘lib Dipshikaga taklif qilishgan, biroq u Salmon Xon bilan partnyorlikda rol ijro etishi kerak edi. Keyinchalik u bu holatni singlisi kino sanoatiga aktrisa sifatida kirmoqchi ekanligini va agar Dipshika roldan voz kechsa, taklif singlisiga berilishiga umid qilgani bilan izohlagan.
Urmila Matondkar
Urmila Salmon Xon bilan “Janam Samja Karo” filmida ishlagan, biroq loyiha kassada yaxshi natija bermadi, shundan so‘ng u aktyor bilan ishlamaslikka qaror qildi.
Amisha Patel
Amisha “Londonga safar” filmida Salmon birga rol o‘ynaganidan so‘ng, aktyor bilan boshqa loyihalarda birga ishlamadi. Juftlik birgalikda suratga tushgan yagona film kassada muvaffaqiyatsizlikka uchradi. Aktrisa Amisha Patel loyiha muvaffaqiyatsizlikka uchragach, aktyor Salmon Xon bilan ishlashda yaxshi tajribaga ega bo‘lmaganini ma’lum qildi.
Kangana Ranaut
Kangana o‘z intervyularidan birida aktyor Salmon ishtirokidagi loyihalarda filmning muvaffaqiyati boshqa aktyorlarga emas, faqatgina unga tegishli bo‘lishini aytgan. Bu aktrisaning Salmon bilan ishlashdan bosh tortishining yagona sababi.
Tvinkl Xanna
Tvinkl 1995-yilda “Yomg‘irli mavsum” filmida debyut qilganidan keyin juda kam filmlarda rol o‘ynadi. U aktyorlik faoliyatining qisqa davrida ko‘plab aktyorlar bilan ishladi, biroq u Salmon Xon bilan birga “Aka-uka raqiblar” va “Oshiq bo‘lganingizda” kabi filmlarda birga rol o‘ynashdan bosh tortdi.
Izoh (0)