Prezidentimizning “O‘zbekiston Respublikasi sog‘liqni saqlash tizimini tubdan takomillashtirish bo‘yicha kompleks chora-tadbirlar to‘g‘risida”gi farmoniga asosan neyroxirurgiya bo‘limlari zamonaviy texnik uskunalar bilan taminlangan.
Sog‘liqni saqlash vazirligi axborot xizmatining “Daryo”ga maʼlum qilishicha, 2022-yilda hududlarda o‘tkazilgan tibbiy ko‘riklarda 975 nafar bemor aniqlanib, ularning 114 nafarida jarrohlik amaliyotlari o‘tkazilgan.
«Bajarilgan yuqori texnologiyali amaliyotlar ulushi 48 foiz ni tashkil etdi (oldingi yillarga taqqoslaganda ko‘rsatkich har yil o‘rtacha 5 foizga oshib kelmoqda).
9 ta yangi jarrohlik amaliyotlari o‘zlashtirildi, shu jumladan epilepsiya, bosh miya falaji, insultni oldini olish va o‘tkir davrida davolash, bolalarda retinoblastoma kabi onkologik kasalligini qon tomir orqali ximioterapiya o‘tkazish, bosh miya o‘smalarini bemorlarni uyg‘oq holatida o‘tkazish va boshqa turdagi jarrohlik amaliyotlari yo‘lga qo‘yildi”, - deyiladi vazilik axborotida.
Qo‘shimcha qilinishicha, 58 ta o‘rin viloyatlarda bolalar neyroxirurgiyasi uchun ajratilgan. Shuningdek, tibbiy buyumlar va dori vositalari bilan taʼminlash 99 foizni tashkil yetdi.
Avvalroq O‘zbekistonda qariyb 50 turdagi oftalmologik kasalliklarni davolash yo‘lga qo‘yilgani xabar qilingan edi.
Izoh (0)