Futbol bo‘yicha Xorvatiya Kubogi 1/32 final bosqichida “Grobnichan” jamoasi 29-avgust, seshanba kuni “Papuk” jamoasiga qarshi bahs olib bordi.
Uchrashuv “Grobnichan”ning 29:1 hisobidagi g‘alabasi bilan yakunlandi. Ushbu o‘yinda bir nechta milliy rekordlar qayd etildi.
- Eng ko‘p gol urilgan o‘yinga aylandi — bunga qadar Xorvatiya Kubogi bahslarida “Gay Mache” va “Lika 95” (20:2) o‘yini yetakchilik qilayotgan edi.
- Bir futbolchi tomonidan eng ko‘p gol urilgan o‘yin — 2013-yilda “Rieka” safida Andrey Kramarich Kubok bahslarida bir o‘yinda 8 ta gol urgandi. “Grobnichan” safida esa Drajen Pilchich 10 ta golga mualliflik qildi.
Ijtimoiy tarmoqlarda muxlislar “Manchester Siti” 33 yoshli Pilchichni olishi lozimligi haqida hazillar qilmoqda (Holand bir o‘yinda 9 ta gol urgandi).
Izoh (0)