Suratga olish jarayonlarida va sahnada jarohat olish holatlari kam uchraydi. Ba’zi mashhurlar shunday holatlarga duch kelib, kasalxonaga tushib qoladi.
Ledi Gaga — konsert dasturida pianinoning ustidan qulab tushgan
Ledi Gaga sahnada yiqilish bo‘yicha rekordchi xonanda hisoblanadi. U deyarli har bir konsert dasturidan so‘ng qayrilish yoki sinish jarohatlarini aniqlash bo‘yicha shifokor ko‘rigidan o‘tadi.
Ko‘plab muxlislar Ledi Gaganing pianinoning ustidan qulab tushganini yaxshi eslashadi. U olgan jarohatiga qaramay qo‘shiq aytishda davom etgan.
Madonna — Brit Award mukofotining taqdirlash marosimiga chiqayotgan paytida zinapoyadan yiqilib tushgan
Bu holatlarning eng shov-shuvlisi Madonna bilan bog‘liq. Brit mukofotini topshirish marosimida so‘zga chiqqan xonanda bir nechta zinapoyadan uchib ketib, sahnadan tushib ketgan.
Ssenariyga ko‘ra, Madonna sahna chetida turishi, raqqosalar esa mantiyani to‘g‘rilab, xonandadan tortib olishlari kerak edi. Biroq xonanda og‘ir matoni ushlab turgan lentalarni yechishni unutib qo‘ygan. Raqqoslar matoning chekkalarini tortganda, mantiyaning lentalari uning terisiga qadalgan. Xonanda sahnada bo‘g‘ilib o‘lishdan ko‘ra, taslim bo‘lib, yiqilish yaxshiroq deb qaror qilgan.
Sahnaviy chiqishdan so‘ng Madonna kasalxonaga yotqizilgan, xonandaning terisida ozgina ko‘karishlar bo‘lgan.
Pink — konsert dasturida balandlikdan qulab tushgan
Pinkning 2010-yildagi chiqishi uning uchun kasalxona yotog‘ida va konsertlarning bekor qilinishi bilan yakunlandi. Xonanda o‘z muxlislarini shoularida murakkab akrobatik nomerlar bilan hayratda qoldirishni yaxshi ko‘radi va uning Nyurnbergdagi chiqishi ham bundan mustasno emas edi.
Xonanda sahnada parvoz qilish uchun maxsus tuzilmaga joylashtirildi, biroq qaysidir paytning o‘zida barchasi noto‘g‘ri ketdi. Ushlab qoluvchi kabellardan biri uzilib, Pink sahna chetiga uchib ketib, tomoshabinlar orasiga tushib ketdi.
Xonanda bir daqiqadan so‘ng, turishga muvaffaq bo‘lgan bo‘lsa-da, uni darhol shifoxonaga olib borishdi. Pink u yerda yana bir necha kun qolib, tekshiruvdan o‘tgan.
Britni Spirs — sahnada oyog‘ini qayirib olgan
Britni Las-Vegasdagi konsert dasturi davomida to‘pig‘ini qayirib olgan. U sahnadagi nam polda sirpanib yiqilib tushgan. Xonanda turishga harakat qilgan, biroq barchasi behuda bo‘lgan. U raqqosalarning yordami bilan o‘rnidan turgan.
Biroq xonandaning professionalligini ta’kidlash kerak: og‘riqlarga qaramay, u baland oyoq kiyimlarini yechmasdan chiqishni oxirigacha olib bordi. Konsert tugagandan so‘ng, qo‘shiqchi sahna orqasiga o‘tkazilib, kasalxonaga olib ketilgan.
Yekaterina Strijenova — “Vaqt ko‘rsatadi” dasturining efirida
Bularning barchasi reklama bilan bog‘liq jarayondan keyin sodir bo‘ldi. Yekaterina gapirib bo‘lgandan so‘ng orqaga chekindi va qoqilib ketdi: boshlovchi kichik balandlikdan yiqilib tushdi, biroq jarohatni oldini olishning iloji bo‘lmadi. Ostankinodagi studiyadan Strijenovani darhol kasalxonaga olib borishdi, u yerda teleboshlovchining qo‘li singanligi tasdiqlandi.
Ijtimoiy tarmoqlarda Yekaterinaning yiqilib tushgani aks etgan kadrlar tezlik bilan tarqaldi. Biroq tomoshabinlar bu teleboshlovchining ta’tilga chiqishiga sabab bo‘lishini tasavvur ham qila olmasdi. Shifokorlar uning qo‘lini gips qilishdi va Strijenovaga dam olishni tavsiya qildi. Biroq tez orada boshlovchi yana ekranlarga qaytdi.
Izoh (0)