O‘zbekistonda 2023/2024-o‘quv yili uchun OTMlarning bakalavriat ta’lim yo‘nalishlariga kirish test sinovlari natijalariga ko‘ra 193 421 nafar abituriyent talabalikka tavsiya etilgandi. Oliy ta’lim, fan va innovatsiyalar vazirligi ularning qanchasi ayollar va erkaklar ekanligini ma’lum qildi.
Qayd etilishicha, oliy ta’lim muassasalarining bakalavriat ta’lim yo‘nalishlariga o‘qishga kirish uchun onlayn ro‘yxatdan o‘tgan 948 491 nafar abituriyentning
- 419 327 nafarini (44,2 foiz) erkaklar
- 529 164 nafarini (55,8 foiz) ayollar tashkil etdi.
Test sinovi natijalariga ko‘ra talabalikka tavsiya etilgan 193 421 nafar abituriyentning
- 100 491 nafari (52 foiz) — erkaklar;
- 92 930 nafari (48 foiz) — ayollar hissasiga to‘g‘ri keladi.
Test sinovida ayollar erkaklarga nisbatan yuqoriroq ball to‘plagan.
Talabalikka tavsiya etilgan abituriyentlarning o‘rtacha o‘tish bali davlat granti asosida:
- erkaklarda — 112,4 ballni;
- ayollarda — 125,1 ballni;
to‘lov-kontrakt asosida:
- erkaklarda — 88,9 ballni;
- ayollarda — 98,5 ballni tashkil etgan.
Qayd etilishicha, erkaklar va ayollarda o‘rtacha o‘tish ballarining bunday farq qilishi ular ro‘yxatdan o‘tishda tanlagan ta’lim yo‘nalishlari va ulardagi o‘tish ballari bilan bog‘liq.
Ta’lim sohalari bo‘yicha foiz hisobida olinganda ijtimoiy ta’minot (91,7 foiz), tillar (88,5 foiz) va ta’lim (78,7 foiz) sohalariga ayollar, transport xizmatlari (93,5 foiz), arxitektura va qurilish (84,8 foiz) va axborot-kommunikatsiya texnologiyalari (75,3 foiz) sohalariga erkaklar ko‘proq talabalikka tavsiya etilgan.
Izoh (0)