Ular noyob iste’dodi tufayli hayoti davomida mashhurlik hamda yaxshi daromad olishga erishgan. Shuningdek, vafotidan keyin ham ularning o‘chmas ismi millionlab pul topishda davom etmoqda.
Maykl Jekson
Musiqachi, raqqos, aktyor – Maykl Jekson hayoti davomida 25 marta Ginnesning rekordlar kitobiga kirgan, 15 ta “Gremmi” mukofotiga sazovor bo‘lgan. Hayoti davomida u pop qiroli unvoniga ega bo‘lgan. Forbes ma’lumotlariga ko‘ra, faqat 2017-yilning o‘zida Jekson 75 million dollar “ishlab topgan”. Bu daromad manbalari EMI musiqiy katalogidagi ulush va Cirque du Soleil Las-Vegasdagi shousida ijro etilgan Mayklning qo‘shig‘i edi.
Kurt Kobeyn
O‘tgan asrning 90-yillarida mashhurlikka erishgan “Smells like teen spirit” muallifi – Kurt Kobeyn 27 yoshida uyida o‘zini otib o‘ldirgan. Hozirda uning qizi Frensis har oy mualliflik huquqi uchun 102 000 dollar oladi. Marhum rok yulduzi qizining hisobida 11 million dollardan ortiq mablag‘ bor.
Elvis Presli
Forbes ma’lumotlariga ko‘ra, Elvis har yili 30 million dollarga yaqin pul topadi. Qo‘shiqchining oilasi eng katta daromadni uning Memfisdagi uyi – Greyslendga yo‘llanmalarni sotishdan oladi. Musiqachi 40 yil oldin vafot etgani hisobga olinsa, bu unchalik yomon emas.
Bob Marli
Bobning vorislari Marley Beverage Co. kompaniyasi va House of Marley brendi ostidagi quloqchinlarga asos soldi. Va, albatta, pul albom savdosidan keladi – umuman, Bob hozir yiliga, taxminan, 23 million dollar ishlab topadi.
Jon Lennon
O‘tgan 25 yil ichida guruhning albomi AQShning o‘zidagina 65 milliondan ortiq sotildi. The Вeatles yulduzi Jon Lennon hali ham 12 million dollarga yaqin daromad oladi.
Betti Peyj
Amerikalik model Betti Peyj vafotidan keyin ham litsenziyalangan kiyim va sumkalarni muvaffaqiyatli “sotmoqda”. U yiliga 11 million dollar “ishlab topadi”.
Elizabet Teylor
Buyuk amerikalik aktrisaning ismi bilan White Diamonds atir-upasi ishlab chiqariladi va sotishdan tushgan umumiy daromad yiliga 8 million dollarni tashkil etadi.
Izoh (0)