Taniqli britaniyalik xonanda Adel Las-Vegasdagi konserti vaqtida hushidan ketdi, deb yozmoqda Page Six.
Xonanda qo‘shiq kuylayotganida o‘zini yomon his qilgan, shuning uchun biroz tin olib, sahna ortiga yo‘l olgan. Sozandalar uni yerda hushsiz yotgan holda topgan. 35 yoshli qo‘shiqchiga tez yordam ko‘rsatilgan, shundan so‘ng u chiqishini davom ettirgan.
“Ular meni poldan ko‘tarib turg‘izishdi”, — degan xonanda tinglovchilari qarshisiga chiqqanida.
Xonandaning hushdan ketishiga u uzoq vaqtdan beri aziyat chekib keladigan ishias kasalligi sabab bo‘lgan.
O‘tgan shousida xonanda ushbu kasalligi haqida eslagan edi.
“Endi menga sahnaning narigi tomoniga yetib borish uchun yordamchilar talab etiladi. Bundan tashqari yurganimda ham tebranib yurishga to‘g‘ri keladi, chunki menda kuchli ishias aniqlandi”, — degan edi xonanda.
Ishias — bel-dumg‘aza radikuliti — quymich nervi kasalligi. Ko‘pincha sovqotish, jismoniy zo‘riqish, turli infeksiyalar va shikastlanishlar, moddalar almashinuvining buzilishi sabab bo‘ladi.
Izoh (0)