“Al-Arabi” xodimi “OKMK” haqida: “Endi ular mening O‘zbekistondagi sevimli klubim”

Futbol bo‘yicha Osiyo Chempionlar Ligasi saralash bosqichida “OKMK” Qatarning “Al-Arabi” klubi ustidan 1:0 hisobida g‘alaba qozondi.

Olmaliqliklar o‘yindan so‘ng kiyim almashtirish xonasini tozalab, saranjom-sarishta qilib ketgan. Futbol mutaxassisi Alisher Nikimbayevning yozishicha, “Al-Arabi” xodimlaridan biri unga suratlar tashlab bergan va quyidagi izohni qoldirgan:

“‘OKMK’ haqli g‘alaba qozondi. Ular haqiqiy jentlmen. Ular menga jamoa libosini ham sovg‘a qildi. Umid qilamanki, ‘OKMK’ ‘As-Sadd’ yoki ‘Ad-Duhayl’ bilan bir guruhga tushadi va men yana stadionga borib, ularning o‘yinini tomosha qilaman. Endi ular mening O‘zbekistondagi sevimli klubim”.  

Mavzuga doir: 

OCHL saralashi. Krishtianu Ronaldu to‘p surayotgan “An-Nassr” so‘nggi daqiqalarda kambekni amalga oshirib, BAA klubini mag‘lub etdi

OCHL saralashi. “Navbahor” qo‘shimcha bo‘limlarda “Al-Vakra”ni mag‘lub etdi, “OKMK” esa “Al-Arabi” ustidan g‘alaba qozondi