AQSH sobiq prezidenti Donald Tramp Jorjiyadagi saylovlarga aralashgani sabab ochilgan jinoiy ishda 200 ming dollar garov evaziga ozod qilinadi. Uning advokatlari va prokuratura tegishli kelishuvlarga erishdi, deb xabar bermoqda CNN.
Siyosatchining advokatlari “boshqa shartlarga” ham rozi bo‘ldi, deb xabar qildi telekanal tafsilotlarga aniqlik kiritmasdan.
Tramp 25-avgustgacha politsiyaga taslim bo‘lishi kerak. Ammo erishilgan kelishuvlarga muvofiq u rasmiy hibsga olinganidan keyin o‘tkaziladigan profilaktika tinglovida qatnashishi shart emas.
Saylovga aralashish ishi Trampga qarshi ochilgan to‘rtinchi jinoiy ishdir. Bungacha u biznes hujjatlarini soxtalashtirish, maxfiy hujjatlarni noqonuniy saqlash va saylovda mag‘lub bo‘lganidan keyin hokimiyatni noqonuniy saqlab qolishga urinishda ayblangan edi.
Bu ishda Tramp bilan birga yana 17 kishi ayblanmoqda.
Izoh (0)