Apple kompaniyasi karavot yonida yoki yostiq ostida iPhone’ni quvvatlagichga ulab uxlash hayot uchun xavfli ekani haqida ogohlantirdi. Bu haqda Apple kompaniyasining rasmiy murojaatiga tayanib, Mirror xorijiy nashriyot uyi xabar bermoqda.
.jpg)
Kupertinoda joylashgan kompaniya hech qachon quvvat olayotgan smartfon yonida uxlamaslik kerakligini ma’lum qilgan. Biroq smartfondan foydalanadigan ko‘plab insonlar bu ishni qiladi, ular iPhone’ni yostiq ostiga qo‘yadi va shu bilan o‘zini “porox bochkasi”ga qo‘yishadi.
Zaryadlovchi kabelga ulangan qurilma yonida uxlash yong‘inga, elektr toki urishiga, shikastlanishga sabab bo‘lishi, smartfon yoki uning yonidagi narsalarga zarar yetkazishi mumkin.
Kupertinodagi kompaniya vakillari smartfonni yotoqdan uzoqroqqa, masalan, karavot yonidagi stolga qo‘yishni maslahat bergan. Eng yaxshisi quvvatlanayotgan iPhone’ni g‘ilofsiz yaxshi shamollatiladigan joyda qoldiring. Bunday holatda haddan tashqari issiqlik, yong‘in yoki buzilish xavfi deyarli nolga kamayadi.
Qurilmani quvvatlagichga yoki quvvat simsiz quvvatlovchi vositaga ulagan holatda adyol, yostiq yoki tanangiz ostiga qo‘yib uxlamang.
Apple kompaniyasi taqdim etgan ma’lumotlarga ko‘ra, nafaqat iPhone, balki quvvatlagichga ulangan boshqa qurilmalar yonida uxlash hayot uchun xavfli bo‘lishi mumkin. Shuningdek, qo‘shimcha qilib aytish mumkinki, barcha qurilmalarsiz (hatto quloqchinlarsiz) uxlagan ma’qul.
Apple kompaniyasi o‘z murojaatini original quvvatlagich va kabellardan, shuningdek, iPhone uchun ishlab chiqarilgan deb belgilangan aksessuarlaridan foydalanishni tavsiya qilish bilan yakunladi. Arzon zaryadlovchi qurilmalar ishlatilsa, uyqu paytida ham, kun davomida ham yong‘in xavfi ortadi.
Izoh (0)