Pokiston shimoli-g‘arbida sodir bo‘lgan terakt oqibatida kamida 13 kishi halok bo‘ldi, yana ikki kishi yaralandi. Bu haqda Dawn xabar berdi.
Ma’lum qilinishicha, voqea 19-avgust kuni kechqurun Xayber-Paxtunxva provinsiyasida sodir bo‘lgan.
Terakt Xayber-Paxtunkva provinsiyasida sodir etilgan. Qo‘lbola portlovchi qurilma oqibatida ishchilar bo‘lgan yuk mashinasi portlagan. Ishchilar Afg‘oniston bilan chegarada joylashgan Vaziriston viloyatidagi qurilish maydonchasiga ketayotgan bo‘lgan.
Mahalliy hukumat jangarilar xavfsizlik kuchlari kolonnasiga zarba berish niyatida yo‘l chetiga bomba o‘rnatganini ma’lum qildi. Ishchilar bo‘lgan yuk mashinasi yaqinlashganda portlovchi qurilma ishga tushgan.
Jarohatlanganlar kasalxonaga yetkazilgan. Xavfsizlik nuqtayi nazaridan hududda barcha mobil aloqa xizmatlari to‘xtatilgan. Pokiston bosh vaziri vazifasini bajaruvchi Anvar-ul-Haq Kakar qurbonlarning oilasiga hamdardlik bildirgan.
“Biz mazkur terrorchilik harakatini keskin qoralaymiz va halok bo‘lganlar hamda jarohatlanganlarning oila a’zolariga hamdardlik bildiramiz”, degan u.
Hozirda hech bir guruh hujum uchun javobgarlikni o‘z zimmasiga olmagan.
Izoh (0)