Ukrainalik uchuvchilar Shvetsiyaning Gripen qiruvchi samolyotlarini sinovdan o‘tkazishni boshladi. Bu haqda prezident Vladimir Zelenskiy Shvetsiya bosh vaziri Ulf Kristersson bilan qo‘shma matbuot anjumanida ma’lum qildi.
“Biz Gripen qiruvchi samolyotlari haqida gaplashdik. Bu Shvetsiyaning faxri. Uchuvchilarimiz Gripen samolyotlarida sinovlarni boshlashdi. Shvetsiya bilan bu samolyotlarni olish masalasi bo‘yicha keyingi qadamlarimiz haqida batafsil gaplashdik”, dedi Ukraina prezidenti.
Zelenskiyning so‘zlariga ko‘ra, Shvetsiyaga bugungi tashrifi davomida u parlament spikeri va barcha siyosiy kuchlar vakillari bilan ham uchrashadi.
Avvalroq Shvetsiya hukumati Ukrainaga yangi 3,4 milliard kron (314 million dollar) miqdoridagi harbiy yordam paketini ajratayotgani haqida xabar berilgandi.
Izoh (0)