Toshkentning qator hududlarida kuz-qish mavsumiga tayyorgarlik doirasida elektr energiyasi taʼminoti qisman to‘xtatiladi. Bu haqda “Hududgaz Poytaxt” matbuot xizmati xabar berdi.
Qayd etilishicha, 18-avgust kuni Yakkasaroy va Mirzo Ulug‘bek tumanlari gaz taʼminoti tizimida taʼmirlash va sozlash ishlari olib boriladi. Shu munosabat bilan baʼzi mahalla va ko‘chalarda vaqtincha gaz taʼminoti to‘xtatiladi.
- Yakkasaroy tumani: “Boshliq” MFYning ayrim ko‘chalarida soat 09:00 dan 15:00 gacha;
- Mirzo Ulug‘bek tumani: “Podshobog‘” MFYning ayrim ko‘chalarida soat 10:00 dan 15:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.
Shuningdek, taʼmirlash ishlari tufayli 18-avgust kuni soat 10:30 dan 17:45 gacha Olmazor tumanining “Chamanbog‘” mahallasiga tabiiy gaz yetkazib berish vaqtincha to‘xtatiladi.
- Aholi isteʼmolchilari: 360 ta yerli xonadonlar va 7 ta ko‘p qavatli uylar;
- Ulgurji isteʼmolchilari: 7 ta.
Yuzaga kelayotgan noqulayliklar uchun gaz taʼminoti filiali isteʼmolchilardan uzr so‘raydi.
Bundan oldin O‘zbekistonda 2023-yilning 6 oyida elektr energiyasidan noqonuniy foydalanish tufayli 78,5 milliard so‘m, tabiiy gazdan noqonuniy foydalanish sababli esa 231 milliard 866 million so‘m zarar ko‘rilgani to‘g‘risida xabar berilgandi. Iyul oxirlarida Yashnobod, Olmazor, Mirobod, Yakkasaroy, Shayxontohur, Chilonzor va Sergeli tumanlarining ba’zi hududlarida yuklama sabab elektr energiyasi ta’minotiga vaqtincha cheklovlar kiritilgan edi. Avgust boshlarida esa Toshkentning qator tumanlarida elektr, issiq suv va gaz ta’minotlari vaqtincha to‘xtatilgan.
Izoh (0)