Shavkat Mirziyoyev bugun tadbirkorlar bilan o‘tkazgan muloqotida bolalikdagi orzulari haqida gapirdi.
Ochiq muloqotda tadbirkorlardan biri davlat rahbaridan bolaligida kim bo‘lishni orzu qilgani va qanday xislatlari evaziga millat yetakchisi bo‘lishga erishgani haqida so‘radi. Prezident injener bo‘lishni orzu qilganini, paxta teruvchilar mehnati hamisha uni qiynaganini ta’kidladi. Shuningdek, o‘zbek xalqini paxta qulligidan ozod etishni orzu qilganini qayd etdi.
“Men umuman injener bo‘lishni orzu qilardim va qishloq xo‘jaligi injeneri bo‘ldim. Chunki hamisha paxtakorlar mehnati meni qiynagan. O‘zbek xalqini paxta qulligidan ozod etishni orzu qilganman.
Dissertatsiyamni ham oladigan bo‘lsak, paxta terish mashinasini yaratganman. Darvoqe, men O‘zbekiston SSR Kompartiyasi markaziy komitetining birinchi kotibi Sharof Rashidov oldida taqdimot qilganman. Bu ham mening hikoyam. U bilan ikki marta uchrashdim. Paxta terish mashinasi haqidagi ilmiy ishim haqida gapirganimda u judayam hayratda qolgandi. U ushbu dissertatsiyani mamnuniyat bilan qo‘llab-quvvatlagan hamda bu bo‘yicha ko‘rsatmalar bergan.
Qanday qilib mamlakat rahbari bo‘lish haqidagi savolga keladigan bo‘lsak, buning uchun vatanni sevish kerak, xalqni sevish kerak, o‘zini butunlay bunga bag‘ishlash kerak”, — deydi Shavkat Mirziyoyev.
Izoh (0)