Qashqadaryo viloyatining Qarshi shahridagi shifoxonada davolanayotgan bolalarning onasi muassasadagi suvaraklardan shikoyat qilmoqda. Bu haqda jamoatchilikka oshkor qilgan “Qashqadaryo gazetasi”ning yozishicha, mazkur voqea viloyat Bolalar ko‘p tarmoqli tibbiyot markazidagi holat hisoblanadi.
Taʼkidlanishicha, videolavhadagi tasvirlar shifoxona gastroenterologiya bo‘limi, lyuks toifasidagi palatadan olingan.
.jpg)
Sharoiti yaxshiroq degan o‘y bilan lyuks xonaga joylashgandik. O‘rin uchun bir kunga 100 ming so‘mdan to‘lov qilganmiz. Kechqurun suvaraklar shunchalar izg‘iydiki, uxlamay bolalarimizni qo‘riqlab chiqamiz, — deydi nashr jurnalisti bilan suhbatlashgan ona.
Bu holatni izohlagan shifoxona masʼuli, bo‘lim boshlig‘i Hamida Faxriddinova holat yuzasidan rahbariyatga, viloyat SEO va JSX boshqarmasiga bildirgi kiritganini maʼlum qilgan.
Mazkur holat bo‘yicha maʼmuriyat, SEO va JSX shug‘ullanadi. Bu yuzasidan ularga bildirgi kiritganman, — deydi u.
Viloyat sanitariya-epidemiologik osoyishtalik va jamoat salomatligi xizmati boshqarmasi esa bildirgi ularga yetib bormaganini qo‘shimcha qilgan. Aytishlaricha, bu haqda ularga hech kim maʼlumot bermagan va markaz shahar hududida joylashgani uchun masalaga ko‘proq SEO va JSX Qarshi shahar bo‘limi masʼul.
Haqiqatan ham viloyat bolalar ko‘p tarmoqli tibbiyot markazi shahar hududiga kirganligi uchun biz nazorat qilishimiz kerak edi. O‘tgan haftada viloyatdan buyruq chiqartirib, tekshirishga bormoqchi edik. Lekin buyruq viloyatning o‘ziga chiqqan. Demak ularning o‘zlari borib tekshirishga haqli, — deydi SEO va JSX Qarshi shahar bo‘limi masʼul xodimi Farruh Yusupov.
Izoh (0)