Rossiya elitasining bir qismi Ukraina bilan aloqa o‘rnatishga tayyor, chunki ular urushda mag‘lubiyatning muqarrarligini va Rossiyada hokimiyat o‘zgarishini tushunadi. Bu haqda Ukraina Mudofaa vazirligi razvedka boshqarmasi vakili Andrey Yusov “Liga.net” nashriga ma’lum qildi.
Uning so‘zlariga ko‘ra, hozir Rossiya elitasi kuch resurslari uchun o‘zaro kurash olib bormoqda. Bu jarayonning aksariyatiga asosiy sabab Putindan keyin “o‘z o‘rnini va ma’lum xavfsizlik kafolatlarini” izlashdir.
“Bugungi Rossiyaning harbiy-siyosiy rahbariyatining ko‘plab vakillari Putin haqiqatan ham halokatga mahkum ekanini tushunadi”, — deydi Yusov.
Razvedka rasmiysi Ukraina bu vaziyatdan o‘z manfaatlarini himoya qilish uchun foydalanishi kerakligini taʼkidladi.
“Ushbu ‘elita’ning bir qismi aloqa o‘rnatishga tayyor va ba’zida Kreml ichidagi ma’lum bir guruhlar yo‘qotish va mag‘lubiyatga uchrashini olqishlaydi”, — dedi Ukraina razvedkasi rasmiysi.
Uning ta’kidlashicha, gap mafkuraviy uyg‘onish haqida emas, balki rus elitarining tijorat maqsadlari haqida ketmoqda.
“Ammo bu ikki tomonlama jarayon. Biz ham ishlayapmiz. Demokratik davlatlar har qanday imperiyaga qaraganda barqarorroq ekanini tushunamiz”, — deya xulosa qildi Yusov.
Izoh (0)