Rossiyaga ishlash uchun borib, vafot etgan ayolning 9 yoshli qizi O‘zbekistonga qaytarildi. Bu haqda Tashqi mehnat migratsiyasi agentligi xabar berdi.
Ma’lum qilinishicha, xorazmlik ayol voyaga yetmagan farzandi bilan 2023-yilning iyunida ishlash maqsadida Rossiyaning Krasnodar o‘lkasiga borgan. Ona qishloq xo‘jaligi sohasida noqonuniy ishlash jarayonida ehtiyotsizligi va baxtsiz hodisa tufayli vafot etgan.
Marhumaning jasadi uning qarindoshlari tomonidan O‘zbekistonga olib kelingan, ammo hujjatlardagi muammo sabab farzandi Rossiyada qolib ketgan.
Ushbu masalada qarindoshlarining Tashqi mehnat migratsiyasi agentligiga murojaati asosida agentlikning Krasnodardagi vakili hamda Xorazm viloyati filiali hamkorligida vafot etgan fuqaroning 2014-yilda tug‘ilgan farzandi G.B tog‘asi X.B. hamrohligida Xorazm viloyati Gurlan tumaniga olib kelingan.
Izoh (0)