Meta asoschisi Mark Sukerberg Ilon Mask bilan jangi Rimda bo‘lib o‘tishi haqidagi xabarlarni rad etdi.
“Men bu sport turini yaxshi ko‘raman va Ilon menga chorlov tashlaganidan buyon o‘sha kunni intiqlik bilan kutyapman. Agar u aniq bir sanani tanlasa, buni e’lon qilamiz.
Jang UFC yoki ONE kabi professionallar bilan hamkorlikda tashkil etiladi. U Rimda bo‘lmaydi.
Dana Uayt jangdan tushgan pullarni xayriyaga sarflashni taklif qilmoqda. Mask negadir jiddiy qaramayapti. Agar u bir qarorga kelsa, men bilan qanday bog‘lanishni biladi.
Men bu sport turiga jiddiy qaraydigan insonlarga diqqatimni qarataman”, — deb yozadi Mark Sukerberg.
Eslatib o‘tamiz, Sukerberg Twitter’ga (hozirda X) raqobatchi Threads tarmog‘ini ishga tushirgach, Mask Meta asoschisiga qarshi jang e’lon qildi. Ya’ni 51 yoshli Mask havaskorlar o‘rtasidagi braziliyacha jiu-jitsu turnirida g‘olib chiqqan 39 yoshli Sukerbergni “qafasdagi jang”ga chaqirdi.
Sukerberg chaqiriqni qabul qilib, jang bo‘ladigan manzilni jo‘natishni so‘ragan. Maskning onasi Mey Mask Meta korporatsiyasi rahbari Mark Sukerberg bilan o‘g‘li o‘rtasidagi jangni bekor qilganini aytgan. U tomonlar o‘rtasidagi bahs gap orqali hal bo‘lishini ilgari surgan.
Ilon Mask uni jangga UFC sobiq chempioni Habib Nurmagomedov tayyorlashini xohlagan. Biroq Habib mazkur taklifni rad etgan, sababi esa ochiqlanmagan.
Izoh (0)