La-Mansh bo‘g‘ozida ichida migrantlar bo‘lgan qayiq cho‘kib ketdi. Hodisa oqibatida 6 kishi halok bo‘ldi.
Bu haqda Fransiyaning La-Manshbo‘yi va Shimoliy dengiz prefekturasi ma’lum qildi.
Hozirgacha 50 kishi qutqarib olingan. Qurbonlarni qidirish davom etmoqda.
Qutqaruv operatsiyasida Fransiyaning to‘rtta kemasi va bir vertolyot, shuningdek, Britaniyaning ikkita kemasi ishtirok etmoqda.
O‘tgan yilning oktabr oyida Egey dengizidagi Gretsiyaning Kitera va Lesbos orollari yaqinida biryo‘la ikkita muhojirlar qayig‘i halokatga uchragandi. Oqibatda har ikki qayiqda bo‘lgan 30 ga yaqin inson halok bo‘lgan.
Izoh (0)