Ijtimoiy tarmoqlarda avtobusning halokatga uchragani va undagi yo‘lovchilar evakuatsiya qilingani bilan bog‘liq video ko‘plab shov-shuvlarga sabab bo‘lgandi. Xayriyatki, bu voqealar real hayotda emas, balki “Uch qahramon” filmining suratga olish jarayonida sodir bo‘ldi. “Daryo” jurnalisti Nasiba Abduhamidova filmning suratga olish jarayonlarida ishtirok etib, videoreportaj tayyorladi.
Kartina O‘zbekiston Respublikasi Ichki ishlari vazirligi jamoat xavfsizligi departamenti va O‘zbekiston Kinematografiyasi agentligi buyurtmasiga ko‘ra suratga olinmoqda. To‘liq metrajdagi film bugungi kunda sidqidildan xizmat qilayotgan ichki ishlar xodimlarining hayoti haqida hikoya qiladi.
— Film o‘tkir drama janrida bo‘lib, jangovar sahnalarga boy. Film voqealari bugungi kunda bo‘lib o‘tadi. Jamoadagi ijodkorlarning bari yoshlardan tarkib topgan. Uch qahramonimiz ham qandaydir “supergeroy”lar emas, balki oddiy xodimlardir. Suratga olish ishlari bir oydan buyon davom etyapti, shu vaqt oralig‘ida ko‘plab murakkab epizodlarni tasvirga oldik, — deydi film rejissori Shohrux Rasulov.
Filmda Kianu Rivz, Silvester Stallone, Arnold Shvarsenegger, Jet Li, Nikolas Keyj, Semuel L. Jekson, Xoakin Feniks va yana boshqa bir qator dunyo yulduzlari bilan hamkorlikda ishlagan xalqaro mutaxassislar ham suratga tushmoqda. Ya’ni unda qozog‘istonlik mashhur “Nomad stunts” kaskadyorlar jamoasi bilan hamkorlik yo‘lga qo‘yilgan. Kanat Kudyarov boshchiligidagi yigitlar murakkab tryuklar ishonarli chiqishi uchun mehnat qilishmoqda.
.jpg)
Albatta, bu janrdagi film mashaqqatsiz suratga olinmaydi. Tryuklarni bajarish vaqtida aktyorlar kichik jarohatlar ham olishdi.
.jpg)
Filmda Ulug‘bek Qodirov va Shohrux Hamdamovdan tashqari ko‘plab yosh iste’dod vakillari suratga tushishmoqda.
“Daryo” muxbirlari reportaj tayyorlagan kun harakatlanayotgan yuk mashinasi ustidagi jang sahnalari suratga olinayotgandi. Ulug‘bek Qodirov murakkab epizodni bajarayotgani uchun intervyu berishni istamadi.
Izoh (0)