Sobiq deputat, jamoatchilik faoli Qobul Dusov Facebook dagi sahifasida o‘zining qidiruvda ekanini yozib, “Toshkent viloyati XTBni deb qidiruvga berildim. Topsanglar meni tutib beringlar melisalarga, iltimos. Bir yildan beri qidiruvda ekanmiz”, deya xabar qoldirdi.
“Daryo” sobiq deputat qoldirgan xabar bo‘yicha Ichki ishlar vazirligi axborot xizmati rahbari Shohrux G‘iyosov bilan bog‘lanib, Qobul Dusovning qidiruvga berilgani rost yoki yolg‘onligini so‘radi.
Biri sarkazm qilgan, boshqasi hayp uchun tarqatgan, uni ayrim kanallar ilib olgan va hokazo, — deydi Shohrux G‘iyosov sobiq deputat va jamoatchilik faoli qidiruvga berilganini inkor etar ekan.
Ichki ishlar vazirligi avvalroq blogerlar Sanjar Ikromov va Sherali Komilovni qidiruvga bergandi.
Taʼkidlanishicha, Sanjar Xo‘ja taxallusi bilan tanilgan Sanjar Ikromov Jinoyat kodeksining 168-moddasi 3-qismi “a” bandi (juda ko‘p miqdordagi firibgarlik) bo‘yicha, bloger Sherali Komilov esa Jinoyat kodeksining 168-modda 3-qismi “b” bandi (firibgarlik) hamda 140-moddasi 3-qismining “a” bandi (haqorat qilish jabrlanuvchini o‘z xizmat yoki fuqarolik burchini bajarishi munosabati bilan bog‘liq holda) bilan ayblanmoqda.
Izoh (0)