AQSHda 10 yoshli Emma ismli qiz o‘limidan 12 kun oldin orzusini ro‘yobga chiqardi va eng yaqin do‘sti Danielga “turmushga chiqdi”. Bu haqda Passion nashri xabar berdi.
Xabarga ko‘ra, bolalar ulg‘aygach oila qurishni xohlagan, ammo leykemiya tashxisi bunga qarshilik qilgan. Qiz va uning ota-onasi uzoq vaqt davomida xavfli kasallikka qarshi kurashishga harakat qilgan, ammo bu natija bermagan.
Keyingi tekshiruvdan so‘ng shifokorlar qizning umri oz qolganini aytgan.
“Ko‘pchilik bolalar Disneylendga borishni xohlaydi, Emma esa turmushga chiqishni va uch farzandi bo‘lishini xohlardi”, — dedi Emmaning onasi.
Tarmoq foydalanuvchilari voqeani faol muhokama qilgan. Ba’zilar Emmaning ota-onasini maqtasa, boshqalari ularning qarorini tushunmasligini bildirgan.
To‘yga Emmani nogironlar aravachasida olib kelishgan.
“Bayram bolaning eng baxtli kunlaridan biriga aylandi, ammo yosh qiz to‘yidan 12 kun o‘tib olamdan o‘tdi”, — deyiladi xabarda.
Leykemiya — qon va suyak iligi saratonining turli shakllarining umumiy nomi. Kasallik ko‘pincha 15 yoshgacha bo‘lgan bolalarda kuzatiladi. Leykemiyaning oxiri o‘limga olib boradi, lekin o‘z vaqtida davolanish bilan ko‘pincha sog‘ayishga erishish mumkin.
Izoh (0)