Toshkentda 51 ming dollar evaziga Turkiya orqali AQSHga yuborishni va’da qilgan ikki kishi qo‘lga tushdi. Bu haqda Bosh prokuratura departamenti xabar berdi.
Departamentning Chilonzor tuman bo‘limi tomonidan DXX va Milliy gvardiya xodimlari bilan hamkorlikda o‘tkazilgan tezkor tadbirda fuqarolar B.Ya. va Sh.Ya. fuqaro O.O.ga tanishlari yordamida xorijga chiqish viza hujjatlarini rasmiylashtirib berishi hamda uni Turkiya orqali AQSHga ishga yuborish evaziga 51 ming dollarni olgan vaqtlarida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Toshkentda 26-iyunda ham AQSHga yuborishni aytib, firibgarlik qilgan ikki kishi qo‘lga tushgandi. Poytaxtda 12-iyul kuni 3,5 ming dollar va 14 million so‘m evaziga Meksika orqali AQSHga yuborish va viza olib berishni va’da qilgan shaxslar ushlangandi.
Izoh (0)