Tataristonning Qozon shahriga ishlash uchun borgan o‘zbekistonlik fuqarolar sakkiz oydan buyon oylik maoshsiz majburiy mehnatga jalb qilingani va yashash joyisiz qolgani haqida videomurojaatlar tarqaldi. Tashqi mehnat migratsiyasi agentligi holat yuzasidan ma’lumot berdi.
Mazkur holat mamlakatning Qozon shahridagi bosh konsulxonasi va Tashqi mehnat migratsiyasi agentligining Ufa shahridagi vakili tomonidan nazoratga olingan. Holat bo‘yicha ish beruvchi bilan suhbatlashilganda mazkur fuqarolar, haqiqatan, Qozon shahridagi qurilish obyektida ishlagani, ish haqini to‘liq olgani, fuqarolik pasportini olib qo‘ymagani, yashash manziliga pul jo‘natib turgani, faqatgina oxirgi 11 kunlik ish haqi berilmaganini ma’lum qildi.
Videomurojaat qilgan fuqarolar ogohlantirmasdan ish joyini tark etgani sababli 11 kunlik ish haqini berishda muammo paydo bo‘lganini aytdi. Ayni vaqtda videomurojaat yo‘llaganlar O‘zbekistonga qaytib kelmoqda.
Izoh (0)