“Moskva Siti” yaqinidagi 1-Krasnogvardeyskiy o‘tish joyida noma’lum shaxs o‘quv granatasini portlatib yubordi, deb xabar bermoqda Meduza Rossiya Telegram kanallariga tayanib. Ma’lumotlarga ko‘ra, hujumchi pnevmatik to‘pponcha bilan ham qurollangan.
Markaziy maʼmuriy okrug prefekturasi matbuot xizmati nomaʼlum shaxs to‘xtab turgan avtomobil oynasini sindirib, salonga noma’lum predmetni uloqtirganini xabar qildi.
Baza maʼlumotlariga ko‘ra, erkak “Moskva Siti” yaqinida to‘xtab turgan Yaguar avtomobilini o‘g‘irlamoqchi bo‘lgan. U qurol bilan tahdid qilib, haydovchidan mashinadan tushishini talab qilgan, keyin esa mashinaga o‘tirib, uni o‘t o‘ldirmoqchi bo‘lgan. Hujumchi muvaffaqiyatsizlikka uchragach, mashinadan tushib, ichiga granata tashlagan va g‘oyib bo‘lgan. Shot’ning yozishicha, granata kuchli emas, pnevmatik bo‘lib chiqdi. Hech kim zararlanmagan.
Hujumchi qo‘lga olindi, deb xabar berdi Rossiya Ichki ishlar vazirligining Moskvadagi bosh boshqarmasi. Undan pnevmatik to‘pponcha olib qo‘yilgan. Hujum sabablari hozircha noma’lum.
Izoh (0)