Luis Enrike “PSJ”ni tark etish haqida o‘ylamoqda

Luis Enrike “PSJ”ni tark etishi mumkin. 

Marca nashrining xabariga ko‘ra, Kilian Mbappe bilan bog‘liq vaziyat tufayli bosh murabbiy jamoadan ketishni rejalashtirmoqda.

Xususan, Enrike, agar hujumchi yozda jamoani tark etmasa, unga ishonch bildirib bo‘lmasligini, katta ehtimol bilan tarkibdan chetlatilishi kerakligini ta’kidlamoqda.

Shuningdek, ispaniyalik mutaxassisning qaroriga, sport maslahatchisi Luish Kampushning ketishi ham ta’sir qilishi mumkin. Ma’lum bo‘lishicha, “PSJ” Mbappe bilan bog‘liq vaziyat tufayli Kampushni iste’foga chiqarmoqchi.

Eslatib o‘tamiz, fransiyalik hujumchi parijliklar bilan 2024-yilda o‘z nihoyasiga yetadigan shartnomasini yangilashni istamayapti.

Shu sababli “PSJ” uni Yaponiyadagi turnega olib ketmadi va transferga qo‘ydi. Fransuzga Madridning “Real” jamoasi jiddiy qiziqish bildirmoqda.