O‘zbekistonning uchta viloyatida ichimlik suvi narxlari birdaniga ikki barobarga oshirilmoqda. Jumladan, Qashqadaryoda aholi uchun 1 kub metr ichimlik suvining narxi amaldagi 1 000 so‘mdan 2 ming so‘mga, Surxondaryoda 1 ming 150 so‘mdan 2 140 so‘mga, Toshkent viloyatida 950 so‘mdan 1 ming 700 so‘mga qimmatlashmoqda.
Oshirilgan narxda bir nafar isteʼmolchiga o‘rtacha oylik to‘lov qanchaga tushadi? Mazkur savolga “O‘zsuvtaʼminot” aksiyadorlik jamiyati boshqarma boshlig‘i Bekzod Shoimov javob berdi.
Bekzod Shoimovning “Daryo”ga tushuntirishicha, suv isteʼmolchilariga ikki xil tartibda hisob-kitob qilinadi. Hisoblagich o‘rnatgan va hisoblagich o‘rnatmagan isteʼmolchi.
Respublikada 1 kub metr ichimlik suvi uchun o‘rtacha tarif aholi isteʼmolchilari uchun 1 ming 384 so‘m, budjet tashkilotlari uchun 2 ming 851 so‘m va boshqa ulgurji isteʼmolchilarga 3 ming 187 so‘m, 1 kub metr kanalizatsiya xizmatlari bo‘yicha o‘rtacha tarif aholi isteʼmolchilari 888 so‘m, budjet tashkilotlariga 1 ming 669 so‘m va boshqa ulgurji isteʼmolchilarga 2 ming 1 so‘mni tashkil qiladi.
Maʼlumot uchun, “O‘zsuvtaʼminot” jamiyati axborot xizmati ichimlik suvi narxlarini belgilashda toifalangan to‘lov tizimi yaʼni ko‘proq ishlatgan ko‘p to‘lash tizimi joriy etilmasligini maʼlum qilgan edi.
Eslatib o‘tamiz, Toshkentda nafaqat ichimlik suvi, balki oqar suv ham 2024-yil 1-yanvardan pullik bo‘lishi belgilandi.
Izoh (1)
Nega oshyapti suvni narxi oshmagani yaxshidi xalq u.n