Taʼmirlash ishlari tufayli Toshkent shahri Sergeli va Bektemir tumanlarining baʼzi joylarida gaz taʼminoti vaqtinchalik to‘xtatiladi. Bu haqda “Hududgazta’minot” matbuot xizmati xabar berdi.
Ma’lum qilinishicha, Sergeli tumanida olib boriladigan taʼmirlash ishlari sababli 3-avgust kuni soat 11:00 dan 16:00 ga qadar quyidagi tabiiy gaz isteʼmolchilarida gaz taʼminoti vaqtinchalik to‘xtatiladi:
Aholi isteʼmolchilar:
- “Eshonbuloq” MFY Muqanna, Xonabod, ko‘chalarida 467 ta yerli xonadonlar (21 ta ulgurji isteʼmolchilar);
- “Sadoqat” MFY Tabarruk, Tavallo ko‘chalarida 730 ta yerli xonadonlar (3 ta ulgurji isteʼmolchilar);
- “Xonabod” MFY Kichik soy, Beruniy ko‘chalarida 380 ta yerli xonadonlar (12 ta ulgurji isteʼmolchilar);
- “Ziyolilar” MFY Odob, Odob 2, Odob 3 ko‘chalarida 142 ta yerli xonadonlar (2 ta ulgurji isteʼmolchilar).
Bektemir tumani:
- Bektemir tumanida 60 ta ko‘p qavatli xonadon va 6 ta ulgurji isteʼmolchilar.
Shuningdek, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarning oldini olish, kuz-qish mavsumiga puxta tayyorgarlik ko‘rish maqsadida 3-avgust kuni quyidagi manzillarda elektr taʼminoti vaqtincha o‘chirildi:
- Bektemir tumani: “Sohil” MFYning ayrim ko‘chalarida soat 09:00 dan 17:00 gacha;
- Olmazor tumani: “Namuna” MFYning ayrim ko‘chalarida soat 09:00 dan 17:00 gacha.
O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkin.
“Hududiy elektr tarmoqlari” AJ Toshkent shahar filiali mazkur taʼmirlash ishlari tufayli elektr taʼminotidagi vaqtincha uzilishlar sababli yetkazilayotgan noqulayliklar uchun ushbu hududlarda yashovchi isteʼmolchilardan uzr so‘raydi.
Iyul oxirlarida Yashnobod, Olmazor, Mirobod, Yakkasaroy, Shayxontohur, Chilonzor va Sergeli tumanlarining ba’zi hududlarida yuklama sabab elektr energiyasi ta’minotiga vaqtincha cheklovlar kiritilgan edi.
Izoh (0)