General Motors kompaniyasi Wuling Bingo deb nomlangan elektromobil ishlab chiqardi. Bu salonida karavot bo‘lgan hamyonbop elektromobil hisoblanadi. Bu haqda CarNewsChina xabar berdi.
B-klassga tegishli ixcham xetchbekning narxi 8 340 dollardan 11 830 dollargacha. U bitta quvvatlantirishda 333 kilometr masofani bosib o‘ta oladi.
Hozirgi vaqtda ushbu model faqat Xitoyda sotilmoqda. Avtomobilning uzunligi to‘rt metrdan sal oshadi. Avtomobilga ikkita displey o‘rnatilgan.
Opsiyalar orasida shishiriladigan matras va karavot mavjud bo‘lib, u salonning orqa tomoniga joylashadi. Wuling Bingo modelining ikki turi mavjud. Birinchisi bitta quvvatlantirishda 203 kilometr yursa, ikkinchisining akkumulyatori kuchliroq bo‘lib, u 333 kilometr masofa bosadi. Avtomobilning maksimal tezligi — 100 km/soat.
Izoh (0)