Me’yoridan ortiq shakar iste’mol qilayotganingizni anglatuvchi simptomlar

O‘z-o‘zidan shirinlik yegingiz kelaveradimi? Yoki ko‘p shirinlik yesangiz ham bu tana vaznining ortishiga sabab bo‘lmaydimi? Bu yaxshi, albatta, lekin sizdagi ayrim o‘zgarishlardan organizmingizda shakar miqdori ko‘payib ketganini bilish mumkin.

Immunitetingiz past

Tez-tez kasal bo‘lasiz yoki sal shamol tegsa ham shamollaysizmi? Balki, bunga shirinlikka ruju qo‘yganingiz sababdir? Gap shundaki, tarkibida shakar miqdori ko‘p bo‘lgan mahsulotlar immun tizimini kuchsizlantirib, tez kasal bo‘lishingizga olib keladi.

 Siz tez charchaysiz

Shirinlikka moyil insonlarning kayfiyati o‘zgaruvchan bo‘ladi. Bir plitka shokolad yoki bir bo‘lak tort kayfiyatingizni ko‘tarib, ishchanligingizni oshiradi. Biroq shirinlikning sehrli ta’siri sizni tez tark etib, keyingi dozani yemaguningizcha qo‘lingiz ishga bormaydi.

Ovqat hazm qilish bilan bog‘liq muammolar

Meteorizm, ich ketishi yoki qotishi — shirinliksevarlarning asosiy muammolari. Sabab oddiy: ko‘p miqdordagi shakar kutilmagan reaksiyalarni yuzaga keltirib, ichak mikroflorasi ishiga putur yetkazadi.