O‘zbekistonda o‘tgan olti oyda 235 mingdan ziyod xotin-qizlar bandligi taʼminlandi. Bu haqda AOKAda Oila va xotin-qizlar qo‘mitasi rahbariyati va mutasaddilari ishtirokida o‘tkazilgan matbuot anjumanida ma‘lum qilindi.
Unga ko‘ra, hisobot davrida 14 100 nafar magistraturada o‘qiyotgan talaba qizlarning 153,4 milliard so‘m kontrakt to‘lovlari to‘lab berildi. 2023-yil boshidan shu kunga qadar 235 mingdan ziyod xotin-qizlar bandligi taʼminlandi. Shundan 106 123 nafari doimiy ishga joylashtirildi, 43 124 nafari jamoat ishiga jalb etildi.
- Og‘ir ijtimoiy vaziyatga tushib qolgan 1 000 680 nafar xotin-qizlar “Ayollar daftari”ga kiritildi.
- Hozirgi kunda 719 697 (71,9 foiz) nafariga yordam ko‘rsatildi.
- 996 nafar xotin-qizlarning uy-joy bilan taʼminlash, shuningdek, boshlang‘ich to‘lovini to‘lash orqali sharoitlarini yaxshilash choralari ko‘rildi.
- 2023-yil boshidan tazyiq va zo‘ravonlikdan jabrlangan 18 704 nafar xotin-qizlarga himoya orderi berildi.
Izoh (0)