Andijon tibbiyot institutining bir necha xodimlari pul evaziga o‘qishga kiritib qo‘yish bilan bog‘liq jinoyatda ayblanib, qo‘lga olingandi. Holatga Sog‘liqni saqlash vazirligi munosabat bildirdi.
Ular DXXning Andijon viloyati bo‘yicha boshqarmasi xodimlari tomonidan IJQKD hududiy boshqarmasi va viloyat IIB bilan hamkorlikda o‘tkazilgan tezkor tadbirda ushlanib, jinoyat ishi qo‘zg‘atilgandi. Vazirlik munosabatida bildirilishicha, sog‘liqni saqlash vaziri buyrug‘i bilan Andijon davlat tibbiyot instituti xodimlari tomonidan sodir etilgan noqonuniy xatti-harakatlarni o‘rganish yuzasidan vazirlikning ishchi guruhi tuzilib, xizmat tekshiruvi tayinlandi.
Ayni paytda mazkur oliy o‘quv yurtida mas’ul shaxslarning o‘qishga kiritib qo‘yish maqsadida korrupsiyaviy omillarga yo‘l qo‘yilgani, uni keltirib chiqarayotgan tizimli muammolar hamda bunga imkon beruvchi sabab va shart-sharoitlarni aniqlash va bartaraf etish yuzasidan to‘liq o‘rganish o‘tkazilmoqda.
Shuningdek, korrupsiyaviy holat sodir etilishiga sharoit yaratib bergani, muassasa xodimlari o‘rtasida yetarlicha tushuntirish ishlari olib bormagani sababli institutning qator mas’ullariga nisbatan intizomiy jazo choralari qo‘llanadi.
“Hurmatli yurtdoshlar! Agar siz sog‘liqni saqlash tizimida biror-bir korrupsion holatga duch kelsangiz, vazirlikning 1003, 1203 va 1103 (hududlar bo‘yicha) qisqa raqamli ishonch telefonlariga murojaat qilishingiz mumkin.
Eslatib o‘tamiz, Sog‘liqni saqlash vazirligi korrupsiyaviy holatlar hamda noqonuniy xatti-harakatlarning har qanday ko‘rinishiga nisbatan murosasiz munosabatda bo‘ladi”, — deyiladi vazirlik xabarida.
Izoh (1)
SSV dan tashqari hech qaysi vazirlik xizmat tekshiruvi qilganini eshitmadim. SSV oʻz qoʻl ostidagi xodimlariga xurmati yoʻqligi uchun shifokorlar ga ham xalqni hurmati qolmayapti. 500 ming soʻmga 5 yilga qamshsa. Naryoda 50 mlrd soʻm, 500 mlrd$ oʻmarganlar uzur soʻrab ishni davom ettirsa. Muhumi pulni joyiga qoʻysa boʻldi deb bir kunam qamalmaydi. Buyoqda vrachlar ayibdor. Oylik masalasida ham eng past oʻrtacha oylik ham shifokorlarnini. Oʻqish davriga olib qarasa ham eng pasti vrachlarniki...