Tramp AQSHda o‘q-dorilar yetishmasligini tan olgani uchun Baydenni tanqid qildi

AQSHning sobiq prezidenti Donald Trampning aytishicha, hozir yadro qurolidan foydalanish xavfi paydo bo‘lgani tufayli AQSH tarixidagi eng xavfli davr yuzaga kelgan. U Pentagonda artilleriya o‘q-dorilari yetishmasligini tan olgan amaldagi prezident Jo Baydenni tanqid qildi.

Baydenning aytishicha, Ukraina Qurolli kuchlariga kassetali o‘q-dorilar yetkazib berish oddiy snaryadlar ishlab chiqarish ko‘paytirilgunga qadar vaqtinchalik chora hisoblanadi.

Donald Trampning ta’kidlashicha, uning prezidentligi davrida Qo‘shma Shtatlardagi harbiy omborlar “to‘la bo‘lgan”.

“Bizda nima qilayotganini tushunmaydigan odam bor. O‘rnidan turib, butun dunyoga o‘q-dorilarimiz yo‘qligini aytgan odam... Hamma narsani berib yuborsangiz, bu dahshatli. Bundan ham yomoni, bu haqda dunyoga aytib berishdir. U Xitoyga va boshqa dushman davlatlarga, bizda o‘q-dori yo‘qligini aytdi... Bu gapni aytish uchun qanchalik ahmoq bo‘lish kerak?", — dedi Donald Tramp Fox News telekanaliga bergan intervyusida.

7-iyul kuni AQSH Ukrainaga kassetali o‘q-dorilar yetkazib berish bo‘yicha qarorini e’lon qildi. Oq uy, busiz Kiyevda hujum uchun yetarlicha artilleriya bo‘lmasligini ta’kidladi.

13-iyul kuni Pentagon Ukraina harbiylari allaqachon AQSH va boshqa mamlakatlardan kassetali o‘q-dorilar olganini ma’lum qildi.