Isroil bosh vaziri Binyamin Netanyaxuda yurak stimulyatori implantatsiyasi bo‘yicha jarrohlik amaliyoti amalga oshiriladi. Bu haqda Ynet xabar berdi.
Operatsiya o‘tkazishga yurak ritmini kuzatish uchun avval o‘rnatilgan qurilma yurak stimulyatori implantatsiyasi zarurligini bildirganidan keyin qaror qilingan. Vazirlar shoshilinch ravishda tungi ovoz berishni o‘tkazib, Yariv Levinni Bosh vazir vazifasini bajaruvchi etib saylagan. U davolanish tugaguniga qadar Netanyaxu o‘rnini egallaydi.
16-iyul kuni Isroil bosh vaziri Binyamin Netanyaxu hushini yo‘qotib, zudlik bilan kasalxonaga yotqizilgan edi.
Netanyaxu joylashtirilgan Sheba tibbiyot markazi manbalariga ko‘ra, bosh vazir Kesariyadagi uyda bo‘lganida hushini yo‘qotgan, natijada u yiqilib, boshi bilan urilgan. Shuningdek, u ko‘krak qafasida og‘riq his qilgani aytilmoqda.
Kasalxonaga kelganida Netanyaxu allaqachon hushida bo‘lgan. Xabar qilinishicha, uning ahvoli yaxshi va miya diagnostikasi jarayonidan o‘tgan. Shifokorlar siyosatchining yuragini ham tekshirishdi.
Izoh (0)