Joriy yilning yanvar—iyun oylarida O‘zbekistonda benzin ishlab chiqarish hajmi 2022-yilning mos davriga nisbatan 15 foizga oshgan.
Statistika agentligi xabariga ko‘ra, o‘tgan 6 oy ichida mamlakatda 651 ming tonna avtomobil benzini ishlab chiqarilgan.
“Avtomobil benzini ishlab chiqarish hajmi 2022-yilning mos davri bilan solishtirilganda 15,7 foizga oshgan”, — deyiladi xabarda.
Agentlik axborotida birinchi yarim yillikda boshqa turdagi sanoat mahsulotlari ishlab chiqarish hajmi ham keltirilgan.
Xususan, yanvar—iyun oylarida 2,5 million tonna ko‘mir, 391,3 ming tonna neft va 608,4 ming tonna gaz kondensati ishlab chiqarilgan.
Shuningdek, 161 ming 975 dona yengil avtomobil, 1 ming 97 dona yuk avtomobillari, 383 dona avtobus va 105 ming 597 dona avtomobil dvigatellari ishlab chiqarilgan.
Izoh (0)