AQSH milliy xavfsizlik bo‘yicha maslahatchisi Jeyk Sallivan Xitoy tashqi ishlar vaziri Sin Gan jamoatchilik ko‘zidan g‘oyib bo‘lgani haqidagi xabarlarga munosabat bildirdi.
Sallivanning so‘zlariga ko‘ra, AQSH rasmiylarida xitoylik vazirning g‘oyib bo‘lishi sabablari haqida maʼlumot yo‘q.
“Biz bilmaymiz. Tom ma’noda shunday”, — dedi Sallivan Xitoy tashqi ishlar vaziriga nima bo‘lgan bo‘lishi mumkinligi haqidagi savolga javoban.
Sallivanning qayd etishicha, Davlat kotibi Entoni Blinken Indoneziyadagi ASEAN forumida Sin Gan bilan uchrashishi kerak edi, biroq u yerda Xitoy delegatsiyasiga Xitoy TIVning boshqa vakili Van I rahbarlik qilgan.
Bloomberg Britaniya tashqi ishlar vaziri Jeyms Kleverli Pekinga safarini keyinga qoldirgani haqida xabar berdi, bunga Sin Ganning omma oldida bir necha haftadan beri ko‘rinmayotgani ta’sir qilgan bo‘lishi mumkin. Uning g‘oyib bo‘lishi OAVda ko‘plab taxminlarga sabab bo‘lmoqda.
Kleverlining Pekinga tashrifi qoldirilgani bilan bog‘liq vaziyat Xitoy tashqi ishlar vazirining g‘oyib bo‘lishi “geosiyosatda qanday aks etganiga” misoldir, deb ta’kidladi Bloomberg.
4-iyul kuni agentlik Xitoy rasmiylari Yevropa diplomatiyasi rahbari Jozep Borrelning Pekinga tashrifini keyinga qoldirgani haqida xabar berdi. U yerda Borrel Sin Gan va boshqa nufuzli shaxslar bilan uchrashishi rejalashtirilgan edi.
Izoh (0)