Ba’zi mashhurlar baxt sukunatni yaxshi ko‘radi, degan qoidaga amal qiladi. Ular eng yaqin insonlari davrasida kamtarona to‘y o‘tkazishadi va hatto bu haqda ommaga ma’lum qilishni istamaydi. Quyida shu kabi yashirincha turmush qurgan mashhurlar haqida ma’lumot beriladi.
Dilan Sprous va Barbara Palvin
Juftlik yaqinda besh yillik munosabatlardan so‘ng turmush qurdi. Barbara Palvin Vengriyada oddiy tarzda to‘yini o‘tkazishni rejalashtirgan edi, biroq marosimda 115 kishi ishtirok etdi. Bu raqam Gollivud standartlari bo‘yicha kam hisoblanmaydi. Juftlik to‘yga faqat yaqin do‘stlari va qarindoshlarini taklif qilgan, shuning uchun ommaviy axborot vositalari to‘y sanasini bilmagan.
“Bu kamtarona to‘y bo‘lishi kerak edi, biroq atrofimizda yaxshi ko‘radigan insonlarimiz juda ko‘p va biz ularning hammasi u yerda bo‘lishini xohladik”, — deydi model.
Barbara singlisi Anita bilan ziyofat uyushtirdi. Dilan Sprous tashkiliy ishlarda ishtirok etmagan, biroq xursand bo‘lgan.
“Yo‘lakchada yurishimizdan oldin asabiy edik, biroq bir-birimizni ko‘rishimiz bilanoq kula boshladik va bu asablarimizni tinchlantirdi. Keyin ikkalamiz ham yig‘lab yubordik”, — deydi Palvin.
Zoe Saldana va Marko Perego
“Avatar” filmi yulduzining aktyor bilan ishqiy munosabatlari tez rivojlandi. Juftlikning munosabati 2013-yilning may oyida muhokama qilina boshladi va oradan uch oy o‘tgach, Zoe Saldana va Marko Perego Londonda turmush qurdi. Paparatssilar ularning qo‘lidagi nikoh uzuklarini payqamaguncha, hech kim marosim haqida bilmagan edi.
“Men juda ehtiyotkor insonman, shuning uchun yashirincha to‘y o‘tkazishga qaror qilganimda, hamma narsani to‘g‘ri bajarayotganimni his qildim”, — degan Saldana.
Anya Teylor-Joy va Malkolm Makrey
2022-yilning iyul oyida aktrisa kutilmagan ishni amalga oshirdi. Anya Teylor-Joy bir yillik munosabatlaridan keyin xonanda Malkolm Makrey bilan turmush qurdi. Jurnalistlar marosim AQSH sud binosida bo‘lganini aniqlagan. Shundan so‘ng aktrisa “Telba Maks” prekvelida suratga tushish uchun Avstraliyaga uchib ketgan. Ma’lumot o‘rnida, Anya loyihada Furiosa rolini o‘ynagan. Manbalarning ta’kidlashicha, juftlik kelajakda ajoyib bayram uyushtirishni rejalashtirishmoqda.
Jennifer Lopes va Ben Afflek
Jennifer Lopes va Ben Afflek 2022-yilning iyul oyida turmush qurdi. Ularning nikoh marosimida juda kam inson ishtirok etgan. Juftlik Las-Vegasdagi kichik ibodatxonada nikohdan o‘tgan va aktrisa kichik tadbir asosiy bayramga tayyorgarlik ekanligi haqida gapirgan.
Oradan bir oy o‘tgach, Ben Afflekning uyida mashhur mehmonlar ishtirokida katta ziyofat bo‘ldi.
Kanye Uest va Byanka Senzori
Yil boshida Kim Kardashyan va Kanye Uestning munosabatlari haqidagi xabarlar keng muhokama qilindi. Biroz vaqt o‘tgach, reper yordamchisi va Yeezy dizayneri Byanka Senzori bilan turmush qurayotgani haqida mish-mishlar tarqaldi. Insayderlarning ma’lumotiga ko‘ra, juftlik hali rasman turmush qurmagan.
Eshli Olsen va Luis Eysner
2022-yilning oxirida egizak Olsenlardan biri turmushga chiqdi. Eshli 2017-yildan beri munosabatda bo‘lgan rassom Luis Eysner bilan turmush qurdi. Marosim Los-Anjelesdagi saroyda bo‘lib o‘tdi va unda 50 kishi ishtirok etdi.
Izoh (0)