TopRank promouterlik kompaniyasi bilan shartnoma imzolagan Bahodir Jalolov navbatdagi jangini 26-avgust kuni AQSHda o‘tkazadi.
Oklahoma shtatida tashkil etiladigan boks oqshomida Jalolovga nigeriyalik Onoriode Ehverieme raqiblik qiladi.
Bahodir Jalolov professional boksda 12 ta jang o‘tkazib, barchasida raqiblarini muddatidan avval mag‘lub etgan. Bahodirning so‘nggi jangi amerikalik Kyortis Harperga qarshi bo‘lib o‘tgan va unda o‘zbekistonlik bokschi 4-raundda raqibini nokautga uchratgandi.
Ehverieme esa 22 bor ringga ko‘tarilgan va undan 20 tasida g‘alaba qayd etgan.
Izoh (0)