Instagram ijtimoiy tarmog‘ida qariyb 1 million obunachiga ega bo‘lgan bloger “Asad-algo” vafot etdi. Bu haqda uning yaqin do‘sti Instagram’dagi sahifasi orqali ma’lum qildi.
Yigit 19-iyul kuni soat 20:30 da jonlantirish bo‘limida vafot etgani aytilmoqda — miyasini operatsiya qilish vaqtida yuragi to‘xtab qolgan.
Bosh prokuratura matbuot kotibining yozishicha, 20 yoshli bloger vafot etgani holati yuzasidan tergovga qadar tekshiruv harakatlari olib borilmoqda.
Marhumning o‘lim sabablarini aniqlash maqsadida sud-tibbiyot ekspertizasi tayinlangan.
“Natijasi bo‘yicha qonuniy qaror qabul qilinishi taʼminlanadi”, — deyiladi xabarda.
“Mitti vayn” taxallusi bilan tanilgan 27 yoshli vayner Farhod Mannopov 5-mart kuni Toshkentning Chilonzor tumanida joylashgan klinikalardan birida vafot etgandi. Ijtimoiy tarmoqlarda Farhod Mannopovning o‘limiga narkozni ko‘p berib yuborish sabab bo‘lgani haqida xabarlar tarqalgan. Bosh prokuratura blogerning vafoti yuzasidan jinoyat ishi qo‘zg‘atilgani, ish doirasida shifokorlar ushlangani yoki qamoqqa olingani haqida tarqalayotgan xabarlar asossiz va haqiqatga to‘g‘ri kelmasligini ma’lum qilgan edi.
Izoh (0)