Har bir inson hayotida nimadandir qo‘rqib yashaydi, bu esa normal holat sanaladi. Kimdir qushlar yoki kapalakdan cho‘chisa, yana kimlardir umuman g‘alati fobiyalarga ega. Quyida suratga olish jarayonlarida qo‘rquvni boshdan kechirgan mashhurlar haqida ma’lumot beriladi.
Rupert Grint — “Garri Potter va maxfiy hujra”
“Garri Potter” filmining bosh qahramonlaridan biri Ron Uizli o‘rgimchaksimon hasharotlardan qo‘rqadi, loyihada bu rolni gavdalantirgan aktyor Rupert Grintda ham xuddi shunday qo‘rquv bor.
“Men araxnofobman. Bu mening hayotimga ta’sir qiladi. Har gal oyoq kiyimlarimni kiyganimda tekshirib ko‘raman. Bundan tashqari choyshab va yostiqlarimni ham tekshiraman”, — deydi aktyor.
“Garri Potter” franshizasining eng mashhur sahnalaridan biri o‘rgimchaklar bilan bog‘liq. Rupert ushbu sahnada rol o‘ynay olmasdi, chunki u kauchuk bo‘lishiga qaramay, kichik hasharotlardan juda qo‘rqardi. Filmda haqiqiy o‘rgimchaklardan foydalaniladi deb taxmin qilingan, biroq hech kim yosh aktyorni qo‘rqitish niyatida emasdi. Shuning uchun, filmda turli o‘lchamdagi kauchukdan yasalgan maxsus o‘rgimchaklar grafikalar yordamida harakatga keltirilgan.
Jennifer Lourens — “Shafqatsiz o‘yinlar”
The hanging tree — “Shafqatsiz o‘yinlar” tetralogiyasi uchun maxsus yozilgan ilhomlantiruvchi qo‘shiq. Jennifer Lourens gavdalantirgan qahramon Kitniss Everdin ushbu qo‘shiqni kuylagan sahna film uchun juda muhim. Rejissor Frensis Lourens qo‘shiqni aynan aktrisa ijro etishini istagan. Biroq Lourens uchun bu harakat sinovga aylandi.
Jennifer “Devid Letterman bilan” shousida turli musiqiy tanlovlarda qatnashgani, biroq ijobiy taassurot ololmagani haqida so‘zlab berdi. Shundan keyin sahnada qo‘shiq aytish uning qo‘rquvlaridan biriga aylandi.
Avvaliga aktrisa xonanda Lorddan uning qo‘shig‘ini kuylashini va montaj paytida bu ovoz qo‘shib yuborilishini so‘rashga harakat qildi. Oxir-oqibat u qo‘rquvni yengib, qo‘shiq aytishga muvaffaq bo‘ldi.
Jennifer Eniston — “Tort”
“Tort” — o‘tkir sujetli drama bo‘lib, unda Jennifer Eniston o‘zining qanchalik ko‘p qirrali aktrisa ekanligini ko‘rsatib berdi. Ko‘plab tanqidchilarning fikriga ko‘ra, bu film “Oskar” mukofotining nomzodlar ro‘yxatiga kiritilishi kerak edi.
Yosh aktrisaning suvda cho‘milish qo‘rquvi borligini kam inson biladi. Bu fobiya aktrisaning bolaligida basseynga velosiped bilan cho‘kib ketganidan keyin paydo bo‘lgan. Enistonning so‘zlariga ko‘ra, agar uning akasi bo‘lmaganida, hamma narsa fojia bilan yakunlangan bo‘lar edi.
Uning filmdagi qahramoni basseynda terapiyadan o‘tadi, shu sababli Eniston suv bo‘yidagi epizodda qiynaldi – sahnani to‘g‘ri suratga olish uchun 25 dan ortiq dubl olindi.
Rayan Reynolds — “Tirik ko‘milgan”
Rodrigo Kortez Rayan Reynolds “Tirik ko‘milgan” trillerida bosh rolni ijro etishini bilar edi. Aktyor suratga olish jarayonining barcha nyuanslarini o‘rganib, bu qaror qanday natijaga olib kelishiga shubha qilmasdan rozi bo‘ldi.
Film markazida raqiblari tomonidan qo‘lga olingan va tobutga qo‘yilgan, shundan so‘ng dafn etilgan harbiy xizmatchi turadi. Aktyor ilgari hech qachon klaustrofobiyani boshdan kechirmagan. Aktyorning so‘zlariga ko‘ra, ushbu filmdagi tajribadan so‘ng, u uchun yopiq joylar haqiqatan ham fobiyaga aylandi. Ayniqsa, vaziyat tobut qum bilan to‘ldirilganida qiyinlashdi. Endilikda suratga olish maydonchasida aktyorni qo‘rqitish qiyin, chunki u allaqachon eng yomon vaziyatni boshdan kechirgan.
Sandra Bullok — “Tebranish”
Hamkasbi Rayan singari, Bullok ham “Tebranish” filmining suratga olish paytida klaustrofobiyani boshdan kechirgan. Film koinotda qolib ketgan ikki kosmonavt haqida hikoya qiladi. Dastlabki rejaga ko‘ra, aktyorlar astronavtlarni parvozga tayyorlash uchun mo‘ljallangan maxsus xonada bo‘lishlari kerak edi. Bu g‘oya amalga oshmadi, biroq Bullokning ishi ham osonlashmadi.
Natijada, aktrisa devorlardan biriga remenlar bilan bog‘lab qo‘yildi, u kubda 8-10 soat davomida tortishish kuchini yaratgan va tashqi dunyodan uzoqda bo‘lgan. Bullokning so‘zlariga ko‘ra, bu uning faoliyatidagi eng og‘ir suratga olish kunlari bo‘lgan. U juda asabiy bo‘lgan va suratga olish jarayonlari tugashini intiqlik bilan kutgan.
Keyt Kepshou — “Indiana Jons va taqdir ibodatxonasi”
Rupert Grint haqiqiy o‘rgimchaklarga duch kelmaslik baxtiga muyassar bo‘lgan bo‘lsa, Keyt Kepshou esa bu qiyin vaziyatning ishtirokchisiga aylangan. “Indiana Jons va taqdir ibodatxonasi” filmini suratga olish paytida aktrisa unchalik taniqli bo‘lmagan, biroq u bu filmda juda ko‘p hissiyotlarni boshdan kechirgan.
Aktrisaning qahramoni Jonsni qutqarishga harakat qilgan sahna hozir uning hayotidagi eng dahshatli voqea sifatida yodida qolgan. Sujetga ko‘ra, qahramonlar hasharotlar bilan to‘la g‘orda bo‘ladi va ijodkorlar haqiqiy hasharotlar va boshqa mayda hayvonlardan foydalangan, ular esa aktrisaning kiyimi ostida edi. Keyinchalik aktrisa bu sahnada xotirjamligini yo‘qotganini gapirib bergan. U tinchlanish uchun tabletka ichishi kerak bo‘lgan.
Izoh (0)