Osiyo taraqqiyot bankining (OTB) “Osiyo taraqqiyoti istiqbollari” nomli yangi hisoboti e’lon qilindi.
Hisobotda Kavkaz va Markaziy Osiyo mintaqasida Yalpi ichki mahsulot o‘sishi 2023-yilda 0,1 foizga, 2024-yilda esa 0,2 foizga pasayishi prognoz qilindi.
Har ikki o‘zgarish Turkmaniston va Ozarbayjon reytingining pasayishi bilan bog‘liq. Ozarbayjonda neft va gaz qazib olish 2023-yilning dastlabki 5 oyida kutilganidan ko‘proq kamaydi, shu bilan birga neftning jahon bozoridagi narxlarida ham pasayish kuzatildi. Shuningdek, OTB prognozlariga ko‘ra Ozarbayjonda ishlab chiqarishning sekinlashishi kutilmoqda.
Joriy yilning dastlabki 5 oyida ishlab chiqarishning oshishi hisobiga Gruziya, Qozog‘iston va Tojikiston bo‘yicha prognozlar o‘sgan bo‘lsa ham, bu holat Ozarbayjon va Turkmanistondagi pasayishni kompensatsiya qilishga yetarli bo‘lmaydi.
Osiyo Taraqqiyot bankining Armaniston, Qirg‘iziston va O‘zbekiston uchun o‘sish prognozlari o‘zgarishsiz qoldi. Aprel oyida e’lon qilingan OTB hisobotida O‘zbekiston yalpi ichki mahsuloti (YIM) 2023 va 2024-yillarda 5 foizga o‘sishini prognoz qilingandi.
Izoh (0)