Futbol bo‘yicha o‘rtoqlik o‘yinida “Paxtakor” 19-iyul, chorshanba kuni Qozog‘istonning “Qayrat”iga qarshi bahs olib bordi.
Markaziy Osiyo derbisi deb nom olgan o‘yinda “sherlar” 90+2-daqiqada Bashanakning goli evaziga g‘alaba qozondi.
Uchrashuvdan so‘ng “Paxtakor” bosh murabbiyi Maksim Shatskix o‘yin haqidagi fikr-mulohazalarini bildirdi: “Barchasi biz kutgandek bo‘ldi. O‘yin har ikki jamoa hujumlari bilan kechdi. Muxlislarga yoqadigan futbol bo‘ldi. Biz bahs oxirida to‘p kiritib, g‘alaba qozondik. Hozir biz ikkinchi davraga tayyorgarlikni davom ettiryapmiz. Yakshanba kuni Toshkentda Tojikiston chempioni “Istiqlol” bilan maydonga tushamiz. Tarkibning bir guruhi uch kun oldin nazorat bahsida o‘ynagandi. Bugun ikkinchi guruhning navbati keldi.
Tez orada turk klublari bilan memorandum imzolaymiz, turli sohalarda tajriba almashamiz. Futbolchilar o‘tishlari amalga oshishi mumkin. Klub va rahbariyat turk jamoalari bilan iliq munosabatda.
Uchrashuvda ba'zi kamchiliklarni ham ko‘rib oldik. O‘yinchilar so‘nggi 10 kunda yuqori yuklamalar olishdi. Bugun hech kim almashtirilishini so‘ramadi. Demak, ularning jismoniy holati bunga dosh berdi. Hozirlikni rejadagidek davom ettiramiz”.
Qozog‘iston ligasi
O‘rtoqlik o‘yini
19-iyul, chorshanba
“Qayrat” – “Paxtakor” 0:1
Gol: 0:1 — 90+2 Bashanak.
“Qayrat”: Danil Ustimenko, Maki Banyak, Bayjan Madelxan, Sergey Keyler, Yegor Tkachenko, Yerkebulan Seydahmet, Aleksandr Shirobokov, Dmitriy Sergeyev, Andrey Ulshin, Anton Krachkovskiy, Artur Shushenbayev.
“Paxtakor”: Quvvatov, Alijonov, Hamraliyev, Azmiddinov, Sayfiyev, Hamrobekov, Sobirxo‘jayev, Hamdamov, Cheran, Turg‘unboyev, Banashak.
Izoh (0)