Musulmonlar idorasi Saudiya Arabistonida o‘tkazilgan Qur’on musobaqasida samarqandlik qori g‘olib bo‘lgani haqida xabarlarni rad etdi.
Unga ko‘ra, shu kunlarda ijtimoiy tarmoqlarda Saudiya Arabistonida o‘tkazilgan Qurʼon musobaqasida samarqandlik qori birinchi o‘rinni egallab, bosh sovrin 800 ming AQSH dollari sohibi bo‘ldi, degan mazmundagi yolg‘on xabarlar keng tarqatilmoqda. Undagi maʼlumotlar asossiz.
Maʼlumotlar o‘rganilganda, 2023-yil 7-aprel kuni Saudiya Arabistonida Qurʼon va azon musobaqasi bo‘lib o‘tgani va unda aslida Eron davlati fuqarosi Yunus Shohmurodiy tilovat yo‘nalishida 1-o‘rinni qo‘lga kiritgani maʼlum bo‘ldi. Shuningdek, keng tarqatilgan Qurʼon qiroati aks etgan videolavha ham aynan ushbu eronlik qoriga tegishli ekani o‘z tasdig‘ini topdi.
Izoh (0)