O‘zbekistonda yil boshidan buyon qancha mablag‘ xayriya sifatida sarflangani ochiqlandi

O‘zbekistonda 2023-yilning o‘tgan davrida 16 milliard so‘mdan ziyod mablag‘ xayriya sifatida sarflangan.

Xabarga ko‘ra, diniy taʼlim muassasalari, ilmiy-tadqiqot markazlari faoliyatini moliyalashtirish maqsadida “Qurʼon va tajvidni o‘rgatish” o‘quv kurslari dars xonalariga 11 dona smart doska uchun  – 187 000 000 so‘m sarflangan. Shuningdek, 

• diniy taʼlim muassasalari professor-o‘qituvchilari hamda texnik xodimlarini  moddiy va ijtimoiy qo‘llab-quvvatlash uchun –  2 393 163 130 so‘m;
• diniy taʼlim muassasalarida tahsil olayotgan 141 nafar talabalarini moddiy qo‘llab-quvvatlash va to‘lov-shartnomalari uchun – 745 635 000 so‘m;          
• masjidlar va ziyoratgohlarning xodimlarini ijtimoiy qo‘llab-quvvatlash uchun – 130 000 000 so‘m;
• mamlakatda faoliyat olib borayotgan 2119 nafar imom-xatiblarning har biriga bir martalik 5 000 000 so‘mdan jami 10 595 000 000 so‘m, 192 nafar otinoylarning har biriga 3 000 000 so‘mdan jami 576 000 000 so‘m; 
• aholining ijtimoiy himoyaga muhtoj qatlamlarini moddiy qo‘llab-quvvatlash uchun – 1 195 915 000 so‘m, shundan imkoniyati cheklangan, nogironligi bor bo‘lgan shaxslarni moddiy qo‘llab-quvvatlash uchun – 407 900 000 so‘m;
• turli xayriya tadbirlari uchun – 216 000 000 so‘m;
• viloyat vakilliklarining maʼmuriy harajatlari uchun berilgan moddiy yordam  – 70 000 000 so‘m miqdoridagi mablag‘lar sarflandi.