“An-Nassr” klubi va Portugaliya terma jamoasi hujumchisi Krishtianu Ronaldu Yevropa klublarida harakat qilmasligini ma’lum qildi.
Yevropa futboliga qaytmayman, eshik batamom yopilgan.
38 yoshdaman, bundan tashqari Yevropa futboli sezilarli darajada quladi. Yagona munosib liga — APL. U qolganlarni ancha ortda qoldirib ketdi, — deydi Ronaldu.
Shuningdek, portugaliyalik forvard Saudiya Arabistoni ligasini Lionel Messi harakat qiladigan MLS bilan solishtirdi.
Saudiya Arabistoni MLS’dan yaxshiroq. Men bu liga uchun yo‘lni ochib berdim, endi barcha o‘yinchilar shu yerga kelmoqda. Saudiya ligasi bir yildan keyin Turkiya va Niderlandiya chempionatlarini ortda qoldiradi, — dedi Ronaldu.
Krishtianu 2022/23-yilgi mavsumning yarmini “Manchester Yunayted”da o‘tkazdi. JCH—2022 oldidan futbolchi OAVga shov-shuvli intervyu berdi va unda klubni keskin tanqid ostiga oldi. Shundan keyin “Manchester Yunayted” futbolchi bilan shartnomani bekor qildi.
Ronaldu faoliyati davomida “Sporting”, “Real” va “Yuventus” klublarida ham to‘p surgan.
Izoh (0)